AI sotuvchining eng katta xavfi: u raqobatchingizga yoki o'z xizmatini sotayotgan odamga ham "xizmatimiz kerakmi?" deb yozib yuborishi. Bunday xabar sizni spamchi qilib ko'rsatadi. Bizning agentimizda ham boshida shunday holatlar bo'lgan.

15–17-oktabr kunlari agent topgan 121 ta mijozni birma-bir ko'rib chiqdik: kimga yozish to'g'ri edi, kimga noto'g'ri. Agentni shu haqiqiy suhbatlar asosida qayta o'qitdik. Shu bilan birga har kuni shom vaqtida hisobot, yangi guruhlarni o'zi qidirish, ish e'lonlari kanallarini kuzatish, ovozli xabarlarga matn va mijozlarga eslatmalar qo'shildi.

Agent endi keraksiz odamlarni o'zi o'tkazib yuboradi, siz esa har kech nechta mijoz topilgani va nechtasi bilan gaplashilganini ko'rasiz. Agentni sizning xizmatlaringiz va qoidalaringiz bo'yicha o'qitib beramiz.